Enno ei vellukka gjennomføring av Lerum cup på Hafslo !
Me har fått rosande ord for blide parkeringsvakter, flott opplegg, gode tilbod i kiosken og god organisering. Mange har kome bort i kiosken og sagt at dei skal reklamera for turneringa heime. Og dei som har budd på Hafslo, er strålande nøgde.
Idrettslaget har lagt bak seg den viktigaste veka for økonomien i laget. Me fekk ein fin auke i inntektene.
Det har vore mange dugnadstimar både før og i turneringshelga for å få alt til å fungera. Takk til alle som hjalp til med bosplukking, vasking, parkering, skulevakthald, rydding og organisering av anlegget, dømming og til alle kioskvaktene !
Styret i Hafslo idrettslag