25.november 2024 fyller Hafslo IL 90 år. Førre søndag 3.november arrangerte Hafslo IL årets Haustmarknad i Samfunnsbygget på Hafslo. I forkant av arrangementet vart vi kontakta av Stolpen Butikk (Esso Hafslo), som ønskte å sponse pizza til alle som møtte på Haustmarknaden vår i jubileumsåret 2024 der vi fyller 90 år. Dette var ei utruleg flott jubileumsgåve, sørga for godt oppmøte, og det var nok pizza til alle. Tusen takk til Stolpen Butikk for utruleg flott gåve til jubileumsmarknaden vår!
Laurdagane i forkant var det stand på Spar Hafslo med lynlotteri, tippekonkurransar og loddsal.
Søndag 3.november var det tradisjonell Haustmarknad i Samfunnsbygget på Hafslo frå kl.15, med gratis pizza spnsa av Stolpen Butikk mellom kl.15 og 16. Marknadssøndagen starta med utdeling av velfortente premiar til dei spreke trimmarane som deltok i Hafslotrimmen 2024.
Etter utdeling av premiar for Hafslotrimmen 2024, vart det sagt nokre ord om Hafslo IL si stolte historie, og deretter gjennomført fire åresal, lykkehjul og tippekonkurransar. Undervegs vart det servert gratis kaffi, drikke og kaker til alle. Haustmarknaden vart avslutta med trekning av 37 vinnarar på loddbøkene.
Gratulerer til alle vinnarane på loddbøkene, i lynlotteriet, tippekonkurransane og på lykkehjulet. Oversikt over alle vinnarane på loddbøkene og vinnarane av snopglas og fruktkorg finn de i lenkja nedanfor:
Alle vinnarane på loddbøkene som ikkje var tilstades under trekninga i Samfunnsbygget på Hafslo søndag 3.november vert kontakta, og vil få overlevert gevinstane ved høve.
STOR takk til alle som støtta arrangementet vårt med sponsing av gevinstar. Utan den flotte støtta, hadde det ikkje vore mogleg å gjennomføre Haustmarknaden. Ekstra takk til hovudsponsorane våre Luster Sparebank, Intersport Sogndal og NTP Avery Dennison for bidraga gjennom året og under årets Haustmarknad. Nedanfor følgjer ei oversikt over alle flotte bedriftene og bidragsytarar som har støtta oss i tillegg til hovudsponsorane våre og Stolpen Butikk (Esso Hafslo Bilsenter) under årets Haustmarknad (i tilfeldig rekkefølgje):
Sogn Skisenter, Luster Energi AS, Walaker Hotell, Raaum Gard, Eikum Hotell, Hillestad Traktorservice, GT Bil AS, Lustraporten, Toyota Sogn AS, Frydenbø/Berge & Co, Sogn Synssenter, Joars Lokalmat, Sparebanken Vest Sogndal, Restauranthuset Malin, Ove Oklevik, SPAR Hafslo, Sport 1 Sportsbui, Pyramiden Senter, Pyramiden Senterkafe, Pyramiden Frisør, Lika, SPAR Gaupne, Apotek 1 Luster, Kafe Kvild, Frisøren Oddrun Høyheim, Lux House, Coop Byggmix Gaupne, Bestebakken, Bohus Sogn, Kvam Guiding og Service, Gosh PGP AS, NVRLND, Felleskjøpet Sogndal, Apotek 1 Sjøkanten, Brødrene Lomheim AS, Coop Extra Sjøkanten, Josvanger Elektro, Holene Transport, Lerum AS, Circle K Sogndal, Europris Sogndal, Luster Tannklinikk, Familien Hår og Skjønnheit, Lillys Frisørsalong, Eilert & Edvin Holme AS, Arne Kvalen, Sogndal Fotball, Sogn Entreprenør AS (Drevdal), Vite Meir, XL Bygg Hundere, Sogndal Kulturhus, Statkraft, LMI, Elkjøp Sogn, Luster Trening, Holen Installasjon, Luster Nærradio, Hafslovatnet Grunneigarlag, Apotek 1 Luster, Pyramiden Blomster, Lustrabadet, Iteam Gaupne, Nortura Sogndal, Digital Etikett, Hofslundsengen Trafikkskule, Hans Nes Bygg AS, tHansen Sogndal, Narvesen MIX Sogndal, Nafas Kafe Solvorn, Maskinsenteret AS, Pryd og Brukskunst, Are Treindustri, A1 Reklame, Røyrleggjarservice AS.
NB: Vi håpar vi har fått med alle bedrifter og personar som har støtta oss i oversikta ovanfor. Om nokon skulle mangle ber vi om at de kontaktar leiar Ove Midtbø på tlf. 413756555 slik at vi kan rette opp i dette.
Takk også til alle som har støtta Hafslo IL under årets Haustmarknad ved kjøp av lodd i forkant, som har møtt på standane på SPAR Hafslo i forkant, og til alle dykk som møtte i Samfunnsbygget på Hafslo søndag 3.november og gjorde dette til nok ein flott Haustmarknad for Hafslo IL i jubileumsåret 2024!
Vi vil også takke alle særgruppene, tillitsvalde, foreldre, utøvarar og alle andre som har bidrege med dugnad i forkant, under og i etterkant av Hafslo IL sin Haustmarknad 2024! Hafslo IL har ein fantastisk flott dugnadsgjeng! Årets Haustmarknad har gitt oss flotte inntekter som vi kan bruke til vidare drift, sosiale møtestader og organisering av varierte aktivitetar for medlemene våre også i åra som kjem.
Tusen takk!
Marknadsnemnda i Hafslo IL
