Fotballgruppa i Hafslo IL samarbeider med idrettslaga i Norane, Kaupanger og Sogndal om sal av sesongkort til Fosshaugane Campus i 2015. Ved kjøp av sesongkort støttar du Fotballgruppa i Hafslo IL med kr.300.
Fotballgruppa har allereie delteke på felles stand saman med dei andre idrettslaga på Sogningen Storsenter fredag 28.november, eigen stand på SPAR Hafslo 13.desember, og vil ha ny stand på SPAR Hafslo førstkomande laurdag 21.mars 2015 kl.13-16. Då vil det igjen vere mogleg å kjøpe sesongkort til Sogndal sine 15 heimekampar i 2015, samstundes som du støttar Fotballgruppa på Hafslo med kr.300,-. Kanskje du vil gje sesongkort i gåve til nokon?
Sogndal startar sesongen med heimekamp mot Bærum 6.april (2.påskedag). I løpet av sesongen skal Sogndal mellom anna møte Brann, Sandnes Ulf, Hødd og Fredrikstad. Kjøp sesongkort, så er du sikra å få med deg alle Sogndal sine heimekampar i 1.divisjon sesongen 2015 (OBOS-ligaen).
På laurdag 21.mars blir det kanskje lynlotteri, og vi håpar også å få besøk frå Sogndal Fotball. Vi håpar også at DU tek turen innom standen vår på SPAR Hafslo denne laurdagen.
NB: Dersom du ønskjer å kjøpe sesongkort på nett sjølv, og vil støtte Fotballgruppa med kr.300, er det viktig at du vel Hafslo IL som laget du vil støtte i samband med registreringa. NB: Dette gjeld også dei som har hatt sesongkort i 2014 og ønskjer å fornye dette i 2015! Om du har spørsmål kan du ta kontakt med Fotballgruppa v/Ove Midtbø eller du kan møte opp på SPAR Hafslo laurdag 21.mars mellom kl. 13-16. STAO PAO!