Flott start på Lerum Cup 2016

IMG_0889

Trass overskya ver, og regnbyger på ettermiddagen, har det vore ein flott start på Lerum Cup 2016 for Hafslo IL sine 8 deltakande lag. Mange flotte kampar og ikkje minst strålande innsats av alle laga våre. Og nok ein gong fantastisk dugnadsinnsats av fotballfamilien på Hafslo!

Hafslo G10, Hafslo G13 og Hafslo G14 var først ute med kampar kl.0800 i dag tidleg. Deretter har kampane vorte spelt på rekke og rad, og slik har det gått for Hafslo IL sine lag på første dag av Lerum Cup 2016:

kl.0800: Sogndal 2 – Hafslo G10      7-4

kl.0800: Volda Svart – Hafslo G13   13-2

kl.0800: Stranda G14 – Hafslo G14    3-3

kl.0940: Nest-Sotra Svart – Hafslo G11   4-5

kl.1120: Hafslo G10 – Masfjord/Brekke  7-5

kl.1210: Hafslo G14 – Sykkylven IL G02    3-10

kl.1300: Hafslo G11 – Os Løve       4-1

kl.1350: Sogndal Spiders – Hafslo J11   3-0

kl.1350: Sotra Supergirls Blå – Hafslo J10    5-2

kl.1350: Os Turn Fotball J2002 – Hafslo J13/14 9ar   7-0

kl.1440: Alvidra High Five – Hafslo J12   5-2

kl.1530: Sandviken IL Lava – Hafslo G13   11-0

kl.1620: Hafslo J11 – Gol IL Lag 1       4-5

kl.1620: Åsane Tiger J10 – Hafslo J10    0-4

kl.1710: Hafslo J12 – Samnanger Tornado   4-2

IMG_20160624_111633

Hafslo G10 har spelt to kampar, og etter eitt tap og ein siger har gutane all grunn til å vere nøgde! Her pep-talk før kampen mot Masfjord/Brekke som gutane vann 7-5 etter strålande spel og innsats!

IMG_20160624_142401

Hafslo J10 har også ein siger og eitt tap, og har all grunn til å vere nøgde! Her frå den første kampen mot Sotra Supergirls Blå, der jentene tapte 2-5 i ein underhaldande kamp!

IMG_20160624_143516

Hafslo J11 har også spelt to strålande kampar i dag. Trass tap i begge, er både jentene og trenaren nøgde med innsatsen. Det vart eit knepent tap 4-5 for Gol i siste kamp, så jentene kjem nok sterkare tilbake i morgon. Biletet over er frå samlinga etter første kamp der jentene tapte 0-3 for Sogndal Spiders!

IMG_20160624_134750

Hafslo G11 har verkeleg imponert på bane 4 i Moane i dag. Dei 13 spelarane på laget har spelt to strålande kampar, og vunne begge. Drømmestart! Kjempeinnsats og spel i begge kampar, og førebels det einaste laget frå Hafslo som har vunne alle sine kampar! Her handlar det meste om å nullstille etter ein jubeldag av dei sjeldne, og satse på like bra spel og innsats i morgon!

IMG_20160624_142715

Hafslo J12 har også spelt to kampar i dag, der jentene både har tapt og vunne. Knallsterk 4-2 siger mot Samnanger Tornado i dagens siste kamp for Hafslo sine lag i Moane. Biletet ovanfor er frå oppvarminga før første kamp som dei tapte 2-5 mot Alvidra High Five. Men jentene lova fotografen å gje alt i dagens kampar, og vi kan trygt seie at dei innfridde i den andre kampen! Strålande innsats av dei humørfylte J12-jentene våre!

IMG_20160624_141350

Hafslo J13/14 9ar har berre spelt ein kamp i dag, mot Os Turn Fotball J2002 på Hafslo stadion. Dei møtte tøff motstand, og tapte kampen 0-7. Men jentene er i godt humør, og kjem garantert sterkare tilbake i morgon!

Hafslo G13 og Hafslo G14 har spelt alle dagens kampar i Sogndal. Begge laga spelte sine første kampar i Sognahallen kl. 0800 i dag tidleg. Laga har møtt tøff motstand, og Hafslo G13 har tapt begge sine kampar så langt. Men dei får nye sjansar i morgon! Hafslo G14 klarte eit sterkt uavgjort-resultat i første kamp, men tapte dessverre sin andre kamp i Sognahallen mot Sykkylven IL G02. Men ut i frå dagens resultat er det ingen grunn til å henge med hovudet. I morgon er det nye sjansar for begge lag, og begge laga kjem anten til A- eller B-sluttspelet. Det blir spanande å følgje begge laga i morgon!

Uansett resultat har det vore ein strålande første dag av årets Lerum Cup! Og det er imponerande å sjå den enorme dugnadsinnsatsen som blir lagt ned av fotballfamilien på Hafslo for å gjere Lerum Cup til det fantastiske arrangementet det er! Du blir møtt av smilande parkeringsvakter, latter og smil i kiosken, og blide folk uansett kor ein går! Alle i Hafslo IL skal vere stolte over å vere medarrangør saman med Sogndal Fotball og dei andre naboklubbane i ein av Norges beste fotballturneringar! Og det beste av alt: Det er to dagar att av turneringa! FANTASTISK!! HEIA HAFSLO!!

IMG_20160624_105557  IMG_0888IMG_20160624_085021IMG_20160624_093423