Etter ein lang sommarferie, starta haustsesongen for nokre av Hafslo IL sine lag i førre veke. Hafslo G12 innleia haustsesongen med bortekamp mot Sogndal G12 3 torsdag 17.august. Det vart ein spanande kamp som endte uavgjort 3-3. Ein god start på haustsesongen for G12-gutane!
Damelaget i 4.divijson spelte sin første seriekamp for haustsesongen heime mot Syril i Moane fredag 18.august. Det vart ein jamn og spanande kamp, der Hafslo-damene til slutt vann 2-1. Det vart dermed ein god start på haustsesongen også for damelaget vårt i 4.divisjon!
I neste veke startar hautsesongen for alvor, med fem heimekampar for Hafslo IL sine lag i Moane. Måndag 21.august spelar Hafslo G13/14 heimekamp mot Sogndal 3 kl.19, tysdag 22.august spelar Hafslo J13/14 heimekamp mot Sogndal 3 kl.19, og torsdag 24.august blir det heile tre heimekampar i Moane. Kl.18 spelar både Hafslo J12 og Hafslo G12 heimekampar mot henholdsvis Syril og Vik, før fotballtorsdagen blir avslutta med seriekamp mellom Hafslo G15/16/17 og Lærdal G15/16/17 kl.19.
Vi håpar mange tek turen og heiar på Hafslo IL sine lag i løpet av haustsesongen. Her finn de oppdatert oversikt over Hafslo IL sine kampar i haustsesongen: KAMPDAGBOK HAUSTSESONGEN 2017 – Hafslo IL
Merk at enkelte kampar kan bli spelt på kunstgrasbana i sentrum, og at det kan kome endringar. Følg med på heimesida og Facebook-sida for oppdateringar.
Vi ønskjer alle laga frå Hafslo IL lukke til med haustsesongen!
