Søndag 28.august er det klart for ny Kongleriket miniputt-turnering i Moane på Hafslo. Det er påmeldt 79 lag frå klubbane Hafslo, Sogndal, Kaupanger, Bjørn, Norane og Luster. Det betyr at nærare 500 spelarar i alderen 6-10 år skal i aksjon på søndag, og det skal avviklast 154 flotte fotballkampar mellom kl.10 og 1430 i Moane. Dette blir kjekt!
Fokusområdet for miniputt-turneringa på søndag er «Barn hjelper barn». Miniputtane på Hafslo skal selje kaker til inntekt for dette prosjektet under turneringa. I tillegg har NFF Sogn og Fjordane avtale med samarbeidspartar om at dei sponsar prosjektet med kr.1 per scoring i kampane på søndag. Så vi satsar på at det blir scora mykje mål av miniputtane under turneringa! Meir informasjon om prosjektet finn de i lenkja nedanfor:
Det blir også vanleg kiosksal under turneringa.
Nedanfor finn de lenkje til kampoppsettet, og vi håpar mange tek turen og heiar på dei flinke miniputtane våre i Moane søndag 28.august frå kl.10.00!